Gripi është një sëmundje infektive akute shumë ngjitëse, e shkaktuar nga virusi i influencës që prek sistemin e frymëmarrjes, zakonisht fytin, hundën, rrugët e frymëmarrjes dhe ndonjëherë edhe mushkëritë.
Mund të prekë njerëzit në të gjitha grupmoshat dhe simptomat fillojnë shpejt dhe papritmas.
Kjo sëmundje zakonisht shfaqet si një infeksion sporadik (raste individuale), por shumë më shpesh gripi mund të shihet në formën e epidemive lokale ose pandemive të mëdha.
Paraqitet pothuajse në të gjitha pjesët e botës, gjatë gjithë vitit, zakonisht numri i të infektuarve rritet dhe përqendrohet në muajt me lagështi relative të lartë.
Sëmundja shfaqet në mënyrë shpërthyese, shpesh me paralajmërim minimal ose pa paralajmërim, numri i individëve të infektuar rritet në mënyrë dramatike gjatë një periudhe të shkurtër kohore.
Epidemitë janë afatshkurtra, zgjasin me ditë ose javë dhe mund të kenë disa valë të njëpasnjëshme që zgjasin me javë dhe muaj.
